Rusiyada qara rəngdə qar yağdı

Rusiyanın Omsk şəhərində qara rəngli qar yağıb.

ONN media Trend-ə istinadən xəbər verir ki, bu barədə şəhər sakinlərinin sosial şəbəkələrdə yerləşdirdiyi şəkillərdən məlum olub.

Omsk vilayətinin Ekologiya və Təbii Sərvətlər Nazirliyi bu hadisənin sənaye müəssisələrinin faəliyyəti nəticəsində yaranan kimyəvi tullantılarla bağlı olduğunu bildirib. Bununla əlaqədar olaraq müəssisələrə xəbərdarlıq edilib.

Qeyd edək ki, bir müddət əvvəl Sankt-Peterburq şəhərində göy rəngdə qar yağmışdı.