Səudiyyə Ərəbistanının başçılıq ediyi qüvvələr Yəmənə zərbə endirdi – 11 dinc sakin həlak oldu

Səudiyyə Ərəbistanının başçılıq ediyi koalisiya qüvvələrinin Yəmənin Əl-Cəuf vilayətinə endirdiyi hava zərbələri nəticəsində azı 11 dinc sakin həlak olub.
ONN media-nın xəbərinə görə, bu barədə TASS “SABA” agentliyinə istinadən məlumat yayıb.
Bildirilir ki, atılan raket Əl-Məslüb yaşayış məntəqəsindəki yaşayış binasına tuş gəlib. Ölənlərdən 8-i qadın və 3-ü uşaqdır.
Xatırladaq ki, Yəməndə hökumət qüvvələri və qiyamçı hüsilər arasında qarşıdurma 2014-cü ilin avqust ayından davam edir.