ONN İnformasiya Agentliyi

SON DƏQİQƏ: Gərginlik müharibəyə keçdi – Ölənlər var, sığınacaqlar məhv edildi

SON DƏQİQƏ: Gərginlik müharibəyə keçdi – Ölənlər var, sığınacaqlar məhv edildi
20 Avqust 2019 - 21:28

Kəşmirdə nəzarət xəttində baş verən qarşıdurmada biri zabit olmaqla, 6 hind əsgəri öldürülüb.

ONN media xəbər verir ki, bu haqda Pakistan Silahlı Qüvvələrinin sözçüsü Asif Gafur bildirib.

O, Hindistan tərəfindən atəşkəs rejiminin pozulmasına cavab verildiyini açıqlayıb. Asif Gafur iki sığınacağın məhv edildiyini qeyd edib.

Hindistan iddialara hələ cavab verməyib.

Xatırladaq ki, avqustun 5-də Hindistanın Cammu və Kəşmir əyalətinin xüsusi statusunu ləğv etməsindən sonra İslamabad və Nyu-Dehli arasında gərginlik artıb. Hindistan parlamenti öz Konstitusiyasında 370-ci maddənin ləğvini təsdiqləyib. Həmin maddə ştata xüsusi status verirdi.

Avqustun 7-də Pakistan hökuməti Hindistan səfirini ölkədən çıxarmaq qərarına gəlib. İslamabad, həmçinin Hindistanla diplomatik münasibətlərin səviyyəsini azaltmaq və bu ölkə ilə ikitərəfli ticarət əlaqələrini dayandırmaq niyyətində olduğunu bəyan edib.

Qeyd edək ki, Pakistan və Hindistan nüvə silahlarına sahibdir. Bu səbəbdən dünya ictimaiyyəti gərginliyin nüvə silahının tətbiqiylə genimiqyaslı müharibəyə gətirib çıxaracağı ehtimalından narahatdır.(publika)

ONN İnformasiya Agentliyi
image_printÇap Et
OXŞAR XƏBƏRLƏR
ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png