ONN İnformasiya Agentliyi

Türkiyə daha bir şəhərdə hərbi əməliyyat keçirəcək – Ərdoğan təsdiqlədi

Türkiyə daha bir şəhərdə hərbi əməliyyat keçirəcək – Ərdoğan təsdiqlədi
26 Yanvar 2018 - 13:35

Türkiyə Silahlı Qüvvələri (SQ) Suriyanın Mənbic şəhərində də əməliyyat keçirəcək.
Trend-in məlumatına görə, bunu Türkiyə Prezidenti Rəcəb Tayyib Ərdoğan bəyan edib.

Hazırda Mənbic şəhəri PYD və YPG terror təşkilatlarının nəzarəti altındadır.

Türkiyə Silahlı Qüvvələrindəki mənbə bundan əvvəl Trend-ə bildirmişdi ki, Türkiyə Suriyanın şimalında Mənbic şəhəri istiqamətində də cəbhə aça bilər: “Türkiyə Silahlı Qüvvələri “Azad Suriya Ordusu” ilə birgə Afrin bölgəsinin azad edilməsi üzrə hərbi əməliyyatları uğurla davam etdirir. Afrində görülən tədbirlər “Zeytun budağı” əməliyyatı ilə məhdudlaşmayacaq”.

Qeyd edək ki, ötən gün “Zeytun budağı” əməliyyatı çərçivəsində Türkiyə Hərbi Hava Qüvvələri ilk dəfə Suriyanın Mənbic şəhərinə aviazərbələr endirib.

Xatırladaq ki, yanvarın 20-də Türkiyə Silahlı Qüvvələri Suriyanın Afrin bölgəsində PYD və YPG terrorçularına qarşı əməliyyata başlayıb. “Zeytun budağı” adı altında keçirilən əməliyyatlara Türkiyə Hərbi Hava Qüvvələrinin “F-16″ təyyarələri də cəlb olunub.

ONN İnformasiya Agentliyi
image_printÇap Et
OXŞAR XƏBƏRLƏR
Şərhlər
Şərh yoxdur
ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png