Ukraynada Azərbaycan məscidi tikiləcək

Ukraynada Azərbaycan icmasına aid məscidin tikintisi planlaşdırılır.

ONN media İnterpress.az-a istinadən xəbər verir ki, bu barədə Kiev patriarxı Mixail Antonoviç Denisenko və Azərbaycan Ukrayna Beynəlxalq Alyansnın sədri Elmar Məmmədov birgə müzakirələr aparıblar.

Onun sözlərinə görə, Ukrayna  hökuməti ilə məscidin tikiləcəyi yer və inşaatla bağlı texniki məsələlər həllini tapmaq üzrədir.

E.Məmmədov  bildirib ki, hazırda Kiyevdə və digər şəhərlərdə məscid var Lakin Ukraynada yaşayan həmvətənimizi bir arada toplamaq üçün, dini radikal qüvvələrdən qorumaq üçün Azərbaycan icmasına aid məscidin tikintisinə ehtiyac var.

“Məscidlərin tikintisi Ukraynanın bütün bölgələri üçün aktual məsələdir. Biz çalışırıq ki, həmvətənimizə i cümlədən Ukrayna və Azərbaycan arasında olan dostluq və əməkdaşlığa töhfə verək. İnanıram ki, məscidin tikintisi hər Ukrayna müsəlmanlarının ürəyincə olacaq və bu məscid qardaşlığa sülhə öz töhfəsini verəcək”.