ONN İnformasiya Agentliyi

Nadir Qüdrətoğlu – Varlığın (ŞEİR)

Nadir Qüdrətoğlu – Varlığın (ŞEİR)
19 Yanvar 2021 - 11:38

VARLIĞIN

Yenə coşub çağlayır aman vermir duyğular

Hər an mənim gözümdə göz oxşayır varlığın

Yaşanacaq xoş günlər, yazılacaq şeir çox

Həm məndə həm şeirdə hey yaşayır varlığın.

Gözlərimi mən ala bilmirəm gözlərindən

Yuxumu gözlərimdən uzaq salıb varlığın

Amandı gözlərində nə yaş olsun nə nisgil

Məni məndən illərdir yaman alıb varlığın.

Bax gör necə gözəldi adlarımız yan-yana

Bu ülvi məhəbbətçün tək ünvandı varlığın

Sənli olan dünyamda gözəldi hər bir diyar

Başdan sona ümmandı, gülüstandı varlığın

Heç bir ləkə götürməz saf, təmizdi sevgimiz

Məni bihuş eyləyir, əsir edir varlığın.

Mənim fani həyatda heç bir şeydə gözüm yox

Tək bircə diləyim var, mənə yetir varlığın

Mən gizlətmirəm heç vaxt deyirəm aşkaryana

Məni şair eyləyən, sənin o tək varlığın.

Nadirin ilham yeri, ey sevdiyi tək qadın

Mənə hər an dayaqdı, mənə kömək varlığın.

ONN İnformasiya Agentliyi
image_printÇap Et
OXŞAR XƏBƏRLƏR
Şərhlər
Şərh yoxdur
XƏBƏR LENTİ
ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png