ONN İnformasiya Agentliyi

Masallıda ailə faciəsi: Ata, ana və oğul…

Masallıda ailə faciəsi: Ata, ana və oğul…
07 Fevral 2019 - 3:28

Masallı rayonunun Boradigah qəsəbəsində bir ailə dəm qazının qurbanı olub.

ONN media “Sputnik Azərbaycan”a istinadən xəbər verir ki, hadisə Nurullayevlər ailəsinin Boradigah qəsəbəsində yerləşən evlərində baş verib.

Belə ki, Bakı şəhərində yaşayan 1964-cü il təvəllüdlü Hənifə Nurullayev, həyat yoldaşı, 1974-cü il təvəllüdlü Elnurə Zülfüqarova və övladları, 1999-cu il təvəllüdlü Əli Nurullayev kənddə olan evlərinə gəliblər. Uzun müddət evdə yaşamadıqları üçün evi isitməkdən ötrü İran istehsalı olan qaz sobası quraşdırıblar. Evin tüstü bacasında quş yuva qurduğundan sobadan çıxan dəm qazı tüstü bacasından çıxmayaraq evə dolub. Nəticədə ailə boğulub.

Ötən gün isə onların kəndə gəlişindən xəbər tutan qohumları günorta saatlarında narahat olaraq onların mobil telefonlarına zəng ediblər. Hər üç şəxsin telefona cavab vermədiyini gördükdə evə gələrək qonşuların köməkliyi ilə eyvandan evə daxil olublar. Daxil olduqda isə artıq Hənifə Nurullayev və Elnurə Zülfüqarovanın dünyalarının dəyişdiklərini, Əli Nurullayevin isə vəziyyətinin ağır olduğunu aşkar ediblər. Dərhal qohumlar Ə. Nurullayevi Masallı Mərkəzi Rayon Xəstəxanasına çatdırılaraq reanimasiya şöbəsinə yerləşdirilib. Xəstəxanadan verilən məlumata əsasən hazırda 20 yaşlı gəncin vəziyyəti orta-ağırdır.

ONN İnformasiya Agentliyi
image_printÇap Et
OXŞAR XƏBƏRLƏR
ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png