Kolumbiyanın Barranquilla şəhərində polis bölməsinin ərazisində partlayış olub.

Teleqraf.com xəbər verir ki, hücum nəticəsində 4 polis əməkdaşı öldürülüb, 17-si polis olmaqla 42 nəfər yaralanıb.

Hücumu təşkil etməkdə şübhəli bilinən 1 nəfər saxlanılıb.

Ölkə prezidenti Juan Manuel Santos canilərin yaxalanması üçün gərəkən addımların atılacağını bildirib.

Polis hücumun təşkilatçılarının yerlərini deyənlərə 50 milyon dollar mükafat vəd edib.