ONN media xəbər verir ki, məsələ ilə bağlı Abşeron-Xızı Regional Təhsil İdarəsindən Trend-ə verilən açıqlamada sözügedən məktəbdə direktorun şagirdi döyməsi ilə bağlı yayılan iddiaların yerində araşdırıldığı bildirilib.

"Şagirdlərin, müəllimlərin və valideynlərin izahatlarına əsasən, fiziki zorakılıq faktı təsdiqlənməyib. Qeyd edilən tarixdə direktor sinifdəki şagirdlərarası mübahisə ilə bağlı sinfə daxil olaraq yalnız profilaktik söhbət aparıb. Məktəb rəhbərliyinə məktəb-valideyn münasibətlərinin düzgün istiqamətində müvafiq tapşırıqlar verilib.

Bildiririk ki, sözügedən məktəbin direktoru ilə Regional Təhsil İdarəsinin rəhbəri arasında qohumluq əlaqəsinin olması ilə bağlı səsləndirilən iddialar həqiqəti əks etdirmir", - idarədən qeyd edilib.