Orta məktəbdə yanğın baş verib

Tovuzda yanğın qeydə alınıb.
ONNmedia Fövqəladə Hallar Nazirliyinin saytına istinadən xəbər verir ki, Tovuz rayonu, Aşağı Quşçu kəndində ümumi sahəsi 693 m² olan ikimərtəbəli məktəb binasının çardağının yanar konstruksiyaları 80 m², 6 sinif otağının tavanı 120 m² sahədə və qapıları yanıb.
Yüksək temperaturdan digər otaqların tavanı 50 m² sahədə qarsalanıb. Məktəb binasının qalan hissəsi yanğından mühafizə olunub.
Yanğın zamanı xəsarət alan olmayıb. Yanğın saat 19:56-da yanğın bölmələri tərəfindən söndürülüb.