Sumqayıt şəhərində kursdan çıxan iki məktəbli qızı maşın vurub.

ONN media xəbər verir ki, hadisə şəhərin Sülh prospektində qeydə alınıb. 

2002-ci il təvəllüdlü Rəhiməxanım Etibar qızı Sadıqova və 2005-ci il təvəllüdlü Nəbiyyə İsmayıl qızı Sadıqovanı yolu keçmək istəyərkən avtomobil vurub. Hər iki yaralı xəstəxanaya çatdırılıb. Onların vəziyyətinin orta-ağır olduğu bildirilir.

Hadisəni törədən sürücü saxlanılıb.

Faktla bağlı araşdırma aparılır.