Bakıda ölümlə nəticələnən yol qəzası baş verib.

ONN media xəbər verir ki, gecə saat 03 radələrində Nərimanov rayonu Heydər Əliyev prospektində “Toyota Prado” markalı minik avtomobili qəfil qarşısına çıxmış piyadanı vurub. Nəticədə ağır xəsarət alan 20 yaşlı oğlan hadisə yerində ölüb.

Bildirilir ki, minik avtomobili prospektdə sürətlə hərəkət edirmiş və qarşısına çıxan gənc oğlanı vuraraq 20 metr kənara atıb.