Xalq arasında “donuz qripi” kimi tanınan H1N1 virusu Yunanıstanda son üç ayda 56 nəfərin ölümünə səbəb olub. ONN media xəbər verir ki, Yunanıstanın Xəstəliklərə Nəzarət və Mübarizə Mərkəzinin açıqlamasında qrip səbəbi ilə xəstəxanalara müraciət edənlərin sayında ciddi artım müşahidə edildiyi bildirilib. Belə ki, son bir həftədə xəstəxanada müalicə alan 18 nəfər virusdan dünyasını dəyişib. Rəsmilər əhaliyə peyvənd olunmaları ilə bağlı çağırış edib.(qafqazinfo)