ONN media

Azərbaycanlı şahmatçılar reytinqdə irəlilədi – SON SİYAHI

Azərbaycanlı şahmatçılar reytinqdə irəlilədi – SON SİYAHI
31 Oktyabr 2019 - 18:21

Beynəlxalq Şahmat Federasiyası (FIDE) noyabr ayı üçün reytinq siyahısını açıqlayıb.

ONN media xəbər verir ki, oktyabr ayı ilə müqayisədə azərbaycanlı qrossmeyster Şəhriyar Məmmədyarov 2 pillə irəliləyib. O, 2777 xalla 5-ci pilləyə yüksəlib.

Son dünya kubokunun qalibi Teymur Rəcəbov isə ilk onluğa düşüb. Şahmatçımız 2767 xalla 9-cu pillədə qərarlaşıb.

Qədir Hüseynov da 3 pillə irəliləyib və 2660 xalla 83-cüdür. “Top-100″ə yeni daxil olan Nicat Abbasov 2655 xalla 93-cü yerdədir. Arkadi Naydiç isə yenə “100-lük”dən kənarda qalıb.

Qadınlar arasında Günay Məmmədzadə 2427 xalla 38-ci, Gülnar Məmmədova 2369 xalla 97-ci, Xanım Balacayeva və Ülviyyə Fətəliyeva isə hərəyə 2368 xalla 98-99-cu pillələrdə qərarlaşıblar.

Qeyd edək ki, kişi şahmatçılar arasında siyahıya norveçli Maqnus Karlsen (2870) başçılıq edir. Fabiano Karuana (ABŞ, 2822) ikinci, Liren Dinq (Çin, 2801) üçüncüdür.

ONN İnformasiya Agentliyi
image_printÇap Et
OXŞAR XƏBƏRLƏR
Şərhlər
Şərh yoxdur
XƏBƏR LENTİ
ONN-agentlik.png ONN-agentlik.png ONN-agentlik.png ONN-agentlik.png