İngiltərənin “Çelsi” klubu heyətini yeni futbolçu ilə gücləndirməyə çox yaxındır.
London təmsilçisi İspaniya “Sevilya”sında çıxış edən Jül Kunde ilə anlaşıb.
22 yaşlı fransalı müdafiəçi paytaxt klubu ilə 5 illik müqavilə imzalayacaq. “Çelsi” transferin gerçəkləşməsi üçün “Sevilya” ilə danışıqlar aparır.
Qeyd edək ki, Jül Kunde ötən mövsüm İspaniya təmsilçisində 49 oyun keçirib və 4 qol, 1 məhsuldar ötürmə ilə yadda qalıb.