ONN MEDİA

“Çelsi”nin yeni baş məşqçisi açıqlanıb

“Çelsi”nin yeni baş məşqçisi açıqlanıb
04 İyul 2019 - 16:54

İngiltərənin “Çelsi” futbol komandasının yeni baş məşqçisi açıqlanıb.

ONN media London klubunun rəsmi saytına istinadən xəbər verir ki, bu posta “zadəganlar”ın sabiq futbolçusu Frenk Lempard təyin olunub. 41 yaşlı mütəxəssislə 3 illik müqavilə bağlanılıb. O, bu vəzifədə İtaliya “Yuventus”unun sükanı arxasına keçən Mauritsio Sarrini əvəzləyib.

Lempard ötən yay İngiltərə Çempionşipində mübarizə aparan “Derbi”nin sükanı arxasında baş məşqçi kimi debüt edib. Onun komandası pley-offda “Aston Villa”ya uduzaraq Premyer Liqaya yüksələ bilməyib.

Qeyd edək ki, karyerası ərzində İngiltərənin “Vest Hem”, “Suonsi”, “Çelsi”, “Mançester Siti” və ABŞ-ın “Nyu-York Siti” klublarında forma geyinən Lempard 106 dəfə İngiltərə millisinin formasını geyinib və 29 qola imza atıb. O, “Çelsi”nin heyətində Çempionlar Liqası, Avropa Liqası, İngiltərə Premyer Liqası və ölkə kubokunun qalibi olub. Lempard bütün dövrlərdə London təmsilçisinin ən yaxşı bombardiridir. Onun hesabında 648 oyuna 211 qol var.


ONN informasiya agentliyi

image_print Çap Et
OXŞAR XƏBƏRLƏR
Şərhlər
Şərh yoxdur
ONN-agentlik.png ONN-agentlik.png ONN-agentlik.png

© Müəllif hüquqları qorunur. Powered by ONN GROUP