ONN İnformasiya Agentliyi

III avrokubok turnirinin adı müəyyənləşdi

III avrokubok turnirinin adı müəyyənləşdi
11 Sentyabr 2019 - 20:49

UEFA-nın təşkilatçılığı ilə keçiriləcək III avrokubok turnirinin adı müəyyənləşib.

ONN media xəbər verir ki, qurum həmin turniri Konfrans Liqası adlandıracaq.

Bildirilib ki, “Konfrans Liqası”nın ilk püşkü 2021/2022 mövsümü ilə başlaya bilər. Bu, Çempionlar Liqası və Avropa Liqasından sonra üçüncü ən vacib avrokubok turniri olacaq.

Yarışın formatının Çempionlar Liqasının formatına (32 komanda, 8 qrup) bənzəyəcəyi gözlənilir. Qrup liderləri birbaşa 1/8 finala vəsiqə qazanacaq. İkinci yeri tutan kollektivlər pley-offa yüksəlmək üçün Avropa Liqasının qrupunda III yeri tutan komanda ilə mübarizə aparacaq. Konfrans Liqasının qalibi növbəti mövsüm Avropa Liqasının qrup mərhələsində iştirak edəcək.

Qeyd edək ki, 2018-2019 mövsümündə Çempionlar Liqasını İngiltərənin “Liverpul”, Avropa Liqasını isə ölkənin digər klubu “Çelsi” qazanıb.

ONN İnformasiya Agentliyi
image_printÇap Et
OXŞAR XƏBƏRLƏR
ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png