"Atletiko"nun futbolçusu Dieqo Kosta Avropa Liqasının yarımfinalında "Arsenal"la ilk oyunu buraxa bilər.

ONN media İspaniya mətbuatına istinadən yaydığı xəbərə görə, ispan hücumçu 1/4 finalda "Sportinq"lə cavab görüşündə zədələnib. Tibbi müayinədən keçən Kostanın dizaltı vətərində dartılma aşkarlanıb. Onun bərpa müddətinin məlum olmadığı bildirilib.

Qeyd eedək ki, "Arsenal" - "Atletiko" görüşü aprelin 26-ı keçiriləcək. Bu komandalar arasında cavab matçı isə mayın 3-ü Madrridə oynanılacaq.