"Qarabağ" klubu Azərbaycan Premyer Liqasının bitməsinə 4 tur qalmış çempionluğunu rəsmiləşdirib.

ONN media  xəbər verir ki, klub, "Sumqayıt"la bu gün keçirilən və 1:0 hesabı ilə qalib gəldiyi matçdan sonra bu uğura nail olub.

Bu qalibiyyətlə xallarını 59-a yüksəldən Ağdam təmsilçisi 42 xalla 2-ci pillədə qərarlaşan "Qəbələ" üçün əlçatmaz olub.

Qeyd edək ki, bu, "Qarabağ" komandasının ardıcıl 5-ci, ümumilikdə isə 6-cı çempionluğu kimi tarixə düşüb.