Rusiyanın Milli Futbol Liqasında (FNL) çıxış edən klublar cari mövsümün davam etdirilməməsi üçün razılığa gəliblər. ONN media xəbər verir ki, bu barədə I liqanın prezidenti İqor Yefremov deyib.
O bildirib ki, çempionatı iyunun 21-dən avqustun 2-dək reqlamentdə nəzərdə tutulmuş formatda tam başa çatdırmaq mümkün deyil:
“Bu qərar yekdilliklə qəbul olundu. Bununla bağlı Rusiya Futbol İttifaqı (RFS) məlumatlandırılacaq. Çünki turnirin başa çatması ilə bağlı son qərarı məhz bu təşkilat verəcək”.