ONN İnformasiya Agentliyi

Bakı və Ankaranın bu sazişi qüvvəyə minir – DETALLAR

Bakı və Ankaranın bu sazişi qüvvəyə minir –  DETALLAR
22 Fevral 2021 - 12:26

Gələn aydan etibarən Azərbaycan ilə Türkiyə arasında Preferensial Ticarət Sazişi qüvvəyə minəcək. Saziş 15 mal qrupunu əhatə edir. Bu sazişdən sonra iki qardaş ölkə arasında ticarət dövriyyəsinin artacağı gözlənilir.

ONN media  xəbər verir ki, bu sözləri iqtisadçı-alim Vüqar Bayramov deyib.

“Pandemiyanın təsirlərinə rəğmən ötən il də iki ölkə arasındakı ticarət dövriyyəsi əhəmiyyətli səviyyədə olub. 4.5 milyard dollarlıq ticarət dövriyyəsi ilə Türkiyə İtaliyadan sonra Azərbaycanın ən böyük ticarət tərəfdaşıdır. 2019-cu ildə iki ölkə arasında ticarət dövriyyəsi 4 milyard 405 milyon dollar idi.

Bütövlükdə, son illər Azərbaycan ilə Türkiyə arasındakı ticari əlaqələrdə artan tendensiya müşahidə olunub. Belə ki, 2019-cu ildə ticarət dövriyyəsi əvvəlki il ilə müqayisədə 33 faiz, 2017-ci il ilə müqayisədə isə 73 faiz artıb. Belə ki, ümumi ticarət dövriyyəsi 2018-ci ildə 3 mlrd. 403 milyon dollar, 2017-ci ildə isə 2 mlrd. 667 milyon olub. 2017-ci ildən etibarən Azərbaycan Türkiyə ilə xarici ticarət dövriyyəsində hər zaman müsbət saldoya malik olub. 2019-cu ildə bu saldo rekord şəkildə artaraq 1 milyard 200 milyon dollara çatıb. 2021-ci ildə Azərbaycan Türkiyəyə 8 milyard kubmetr mavi qaz nəql etməyi planlaşdırır.

Artıq ölkələr növbəti 3 il ərzində ticarət dövriyyəsinin 15 mlrd. dollara çatdırılması ilə bağlı hədəf müəyyənləşdiriblər”, – millət vəkili bildirib.(axar.az)

ONN İnformasiya Agentliyi
image_printÇap Et
OXŞAR XƏBƏRLƏR
Şərhlər
Şərh yoxdur
XƏBƏR LENTİ
ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png