Banklara daha 55,5 milyon dollar verildi

Bu gün Azərbaycan Mərkəzi Bankında (AMB) Dövlət Neft Fondunun iştirakı ilə növbəti valyuta hərracı keçirilib.

ONN media  bildirir ki, hərracda tələb 55,5 mln. ABŞ dolları təşkil edib və tam təmin edilib. Beləliklə, sonuncu valyuta hərracında tələb əvvəlki hərracla (6 aprel 2021-ci il tarixində keçirilib – red.) müqayisədə 25,3% və ya 18,8 mln. dollar azalıb.

Hərracda manatın ortaçəkili məzənnəsi 1,7000 səviyyəsində formalaşıb.