Azərbaycanın Tikinti Materialları İstehsalçıları Assosiasiyası ölkə daxilində məhsul istehsalı üçün lazım olan xammal idxalını gömrük rüsumlarından azad etməyi təklif edir.

ONN media-nın Trend-ə istinadən məlumatına görə, bunu jurnalistlərə Assosiasiyanın sədri, "Mətanət-A" şirkətinin prezidenti Elxan Bəşirov deyib.

Onun sözlərinə görə, bu, məhsulun maya dəyərini azaltmağa imkan verəcək.

Assosiasiya rəhbəri şirkətlərin nəqliyyat xərcləri ilə bağlı problemi də qeyd edib: "Tikinti materiallarının maya dəyərinin 30 faizə yaxınını nəqliyyat xərcləri təşkil edir. Nəqliyyat xərcləri maya dəyərinin beş faizini təşkil etməlidir".

E.Bəşirov üçüncü aktual məsələ olaraq, yerin təkindən istifadə vergisini qeyd edib:

Neft yenidən bahalaşdı

"Azərbaycanda müəssisələr təkcə yerin təkindən istifadə üçün icazəyə görə yox, həm də ondan istifadəyə görə ödəniş etməlidir. Buna əlavə olaraq, ölkədə torpaq və mədən vergiləri də mövcuddur".

E.Bəşirov hesab edir ki, vergi yalnız yerin təkindən istifadə üçün tətbiq olunmalıdır.

ONN İnformasiya Agentliyi
Çap Et