Bakı Ağır Cinayətlər Məhkəməsində xüsusi amansızlıqla qətl törətməkdə təqsirləndirilən Tahir Bağırovun cinayət işi üzrə məhkəmə prosesi başa çatıb.

ONN media xəbər verir ki, hakim Fikrət Qəribovun sədrliyi ilə keçirilən prosesdə təqsirləndirilən şəxsə hökm oxunub.

Məhkəmənin hökmü ilə T.Bağırov 19 il azadlıqdan məhrum edilib.

İttihama görə, bu il Sabunçu rayonu Nardaran qəsəbəsində bağ massivi, ev 242 ünvanında yaşayan Bağırov Tahir Cəfər oğlu yaşadığı evdə anası, 1942-ci il təvəllüdlü Bağırova Rübabə Cəbrayıl qızı ilə şəxsi münasibətlər zəminində mübahisə edib.

Əhməd Əhmədovdan məhkəmədə SENSASİON etiraf – AİLƏMİ BUNA GÖRƏ ÖLDÜRDÜM!

Mübahisə nəticəsində T.Bağırov anasını boğaraq öldürüb. Qadının öldüyünə əmin olan oğlu anasının meyitinin üzərinə ağ neft tökərək yandırıb.

Ona Cinayət Məcəlləsinin 120.2.4 (xüsusi amansızlıqla adam öldürmə) maddəsi ilə ittiham verilib.

ONN İnformasiya Agentliyi
Çap Et