ONN İnformasiya Agentliyi

Beyləqanda ölüm hadisəsilə bağlı cinayət işi başlanılıb

Beyləqanda ölüm hadisəsilə bağlı cinayət işi başlanılıb
12 Yanvar 2018 - 14:39

Beyləqan rayon sakini Əli Bayramovun yanvarın 11-də güllə yarası alması barədə Daxili İşlər Nazirliyinin (DİN) “102” Zəng Xidməti Mərkəzinə məlumat daxil olub.

ONN media DİN-in mətbuat xidmətinin verdiyi məlumata əsasən bildirir ki, dərhal Beyləqan Rayon Polis Şöbəsinin əməkdaşları tərəfindən müvafiq tədbirlərə başlanılıb.

Ə.Bayramov xəstəxanaya yerləşdirilsə də, həkimlərin səyinə baxmayaraq, onun həyatını xilas etmək mümkün olmayıb.

Araşdırmalarla müəyyən edilib ki, Ə.Bayramov ilə Dünyamalılar kəndində həmkəndlisi Muxtar Mustafayev arasında münaqişə baş verib. Bu zaman M.Mustafayev ov tüfəngi ilə atəş açaraq Ə.Bayramovu yaralayıb.

Polis əməkdaşlarının keçirdikləri əməliyyat-axtarış tədbirləri nəticəsində M.Mustafayev saxlanılaraq istintaqa təhvil verilib. Ondan hadisəni törədərkən istifadə etdiyi müvafiq sənədləri olmayan “TOZ-16” markalı tüfəng götürülüb.

ONN İnformasiya Agentliyi
image_printÇap Et
OXŞAR XƏBƏRLƏR
Şərhlər
Şərh yoxdur
ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png