ONN media

Dünya Tualet Günündə SEÇİLƏN ÖLKƏLƏR – “Wi-Fi”LI AYAQYOLULAR…

Dünya Tualet Günündə SEÇİLƏN ÖLKƏLƏR – “Wi-Fi”LI AYAQYOLULAR…
20 Noyabr 2019 - 3:02

Dünya Tualet Təşkilatı Çində böyük inkişaf qeydə alıb.

ONN media xəbər verir ki, təşkilatın rəhbəri Cek Sim RİA “Novosti”yə Dünya Tualet Günü münasibətilə verdiyi açıqlamasında bildirib ki, Çin son 4 ildə sanitar şərtlərdə uğura imza ataraq “tualet inqilabı”na nail olub:

“Turizm ölkənin əsas gəlir mənbəyidir. Bu baxımdan Çin daxili və xarici turistlərin ehtiyaclarının ödənməsində inkişafa nail olub. Dünya Tualet Təşkilatı Çinlə sıx əməkdaşlıq çərçivəsində bir neçə layihə reallaşdırıb. Son 4 ildə Xenan və Quansi-Çjuan əyalətində 15 məktəbdə tualet quraşdırılıb”.

Qeyd edək ki, Çində tualet problemi xüsusilə qəsəbələrdə ənənəvi xarakter daşıyır. Bu isə sanitar qaydaların pozulmasına və xəstəliklərə yol açır.

Ölkə 2015-ci ildə sosial şərtlərin yaxşılaşdırılması məqsədilə tualet inqilabına başladı. 2015-2017-ci illərdə turist məkanlarında 70 min ayaqyolunun tikilməsinə büdcədən 1,6 milyard yuan (225 milyon dollar) ayrıldı.

2018-2020-ci illərdə 64 min tualetin tikilməsi və ya bərpası nəzərdə tutulur. Çin parklarındakı ayaqyolular kağız, maye sabun və əl qurutma aparatı ilə təmin edilib. Bəzi tualetlər isə “Wi-Fi”la təchiz edilib.

ONN İnformasiya Agentliyi
image_printÇap Et
OXŞAR XƏBƏRLƏR
Şərhlər
Şərh yoxdur
ONN-agentlik.png ONN-agentlik.png ONN-agentlik.png ONN-agentlik.png