Yeni verilmiş məlumata əsasən OnePlus şirkəti uzun müddətdir ki, öz smart saat modeli üzərində çalışaraq daşınıla bilən cihazlar bazarına daxil olmaq istəyir.

ONN media bildirir ki, çox güman ki, şirkətin smart saatı OnePlus Watch adını əldə edəcək. Məlumata əsasən şirkətin smart saat modeli Qualcomm şirkətinin prosessoru (çox güman ki, Snapdragon Wear 3300), 1 GB RAM və 8 GB daxili yaddaş həcmi ilə təchiz olunacaq. Saat WearOS əməliyyat sistemi vasitəsilə çalışacaq.

Şirkət öz ilk smart saat modelini OnePlus 8 və OnePlus 8 Pro smartfon modelləri ilə birlikdə təqdim etməlidir. Yəni 2020-ci ilin ikinci rübündə. Qeyd etmək lazımdır ki, şirkət smart saat bazarına hələ bir neçə il bundan öncə daxil olmağı planlaşdırırdı. Həmin vaxtda şirkət rəhbəri hətta smart saatın sxematik fotolarını da təqdim etmişdi. Lakin sonradan şirkət bu layihəni ləğv etmişdi. Görünür, şirkət bu layihəyə yenidən qayıtmağı düşünüb. Heç istisna deyil ki, nəticədə şirkət smart saat deyil fitnes qolbaq təqdim etsin.

“WhatsApp” işlədənlərin NƏZƏRİNƏ – Bunu etmək mümkün olacaq

ONN İnformasiya Agentliyi
Çap Et