Avstraliyada Skott Stokman adlı bir kəndçi marketdən aldığı yumurtanı görüncə məəttəl qalıb.

ONN media milli.az-a istinadən xəbər verir ki, 176 qram ağırlığında olan yumurtanın diametri normal ölçüdən 3 dəfə böyük olub.

Ancaq əsl təəccüb yumurtanın içindən çıxanları görərkən yaranıb.

Yumurtanın sahibi onu qırdığı zaman içindən normal böyüklükdə daha bir yumurta çıxıb.

İnsanlar bu mənzərə qarşısında dəhşətə gəliblər və bunun necə baş verə biləcəyi ilə bağlı müəyyən araşdırma aparıblar.

Nadir hallarda rast gəlinən yumurta anomaliyası adlandırılan bu hal toyuğun cinsi kanala birdən çox yumurta sarısı buraxmasından sonra meydana gəlir.

Bu kanalda qalan və qabıqlaşmağa başlayan yumurtanın üzərinə ertəsi gün yeni yumurtanın gəlməsi ilə yaranır.