"Facebook" istifadəçiləri üçün yenilik var.

ONN media Metbuat.az -a istinadən bildirir ki, artıq "Hekayə" bölməsinə istədiyiniz mahnını, videonu əlavə edə biləcəksiniz. Həmçinin, yaxın müddətə istifadəçilər öz profillərində də musiqilər paylaşa biləcəklər.

"Facebook"un səlahiyyətli şəxslərindən Fred Beteille və Tamara Hrivnak istifadəçilərin profil hesablarını zənginləşdirmək üçün bu cür yeniliklərə davam edəcəklərini açıqlayıblar.

Qeyd edək ki, "Facebook"un yeni funksiyası hazırda test mərhələsindədir, qısa müddətə istifadəçilərə təqdim olunacaq.