ONN İnformasiya Agentliyi

Tərləməni və tər qoxusunu kəsən ƏN UCUZ VASİTƏ

Tərləməni və tər qoxusunu kəsən ƏN UCUZ VASİTƏ
12 İyul 2019 - 5:15

Bu ucuz vasitə sovet vaxtlarında olduqca geniş istifadə olunurdu. Söhbət Teymurov pastasından gedir.

Bəzi məlumatlara görə, bu vasitənı keçmiş əsrin 50-ci illərində Bakıdan olan həkim Teymurov ixtira edib.

Teymurov pastası qoltuğaltı nahiyələri və ayaqlarda həddindən artıq tərləmə ilə (hiperhidrozla) mübarizə aparır, pis tər qoxusundan xilas edir.

ONN media bildirir ki, pasta həmçinin göbələk əleyhinə təsirə malikdir, dəriyə iltihabəleyhinə və antiseptik təsir edir.

Pasta axşam yatmazdan əvvəl nazik qatla (!) təmiz və quru ayaq və qoltuğaltı nahiyələrinə çəkilir, səhər isə yuyulur. Nəticədə dəri gün ərzinə quru qalır, pis qoxu olmur. Ağır hallarda pasta gündə 2-3 dəfə istifadə oluna bilər. Effekt əldə etmək üçün pastanı 1 həftə ərzində hər gün istifadə etmək lazımdır.

Pastanın tərkibində bor və salisil turşuları, nanə yağı, sink kimi ziyansız maddələrlə yanaşı formaldegid və qurğuşun kimi toksiki təsirə malik olan maddələr var. Təbii ki, bu maddələrin pastanın tərkibində miqdarı çox azdır və bu da onların orqanizmə olan mənfi təsrini demək olar yox edir. Lakin hər halda ehtiyatlı olmaq lazımdır. Pastanı böyük nahiyələrə çəkmək, uzun müddət ərzində istifadə etmək olmaz!

Pastanın istifadəsinə bəzi əks-göstərişləri də mövcuddur: allergiya, dərinin irinli-iltihablı xəstəlikləri, irinli səpkilər, pasta çəkilən yerlərdə dərinin zədələnməsi, açıq yaralar, xroniki böyrək xəstəlikləri, bronxial astma. 14 yaşına qədər uşaqlar, hamilə və uşaq əmizdirən qadınlar pastadan istifadə etməməlidir.

ONN İnformasiya Agentliyi
image_printÇap Et
OXŞAR XƏBƏRLƏR
XƏBƏR LENTİ
ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png