Yanvarın 9-da Daşkənd şəhər Azərbaycan Milli Mədəniyyət Mərkəzinin (AMMM) konfransı keçirilib.

ONN media AZƏRTAC-a istinadən xəbər verir ki, konfransda Respublika Azərbaycan Mədəniyyət Mərkəzinin (RAMM) və AMMM-nin rəhbərləri, diasporumuzun təmsilçiləri iştirak edib.

Konfransı RAMM sədrinin müavini Xasay Abdullayev açaraq bildirib ki, yanvarın 14-də RAMM-in hesabat-seçki konfransı keçiriləcək. O qeyd edib ki, bu gün Daşkənd şəhər Mədəniyyət Mərkəzindən həmin konfransa nümayəndələr seçilməlidir.

Özbəkistan Nazirlər Kabinet nəzdindəki Millətlərarası Münasibətlər və Xarici Ölkələrlə Dostluq Əlaqələri Komitəsi sədrinin müavini Kamaladdin İşanxocayev ölkə Konstitusiyası ilə azsaylı xalqlara yaradılan şərait haqqında danışıb, onlara verilən hüquqlardan söhbət açıb.

Anardan Çingiz Abdullayevin səhhəti ilə bağlı AÇIQLAMA: “Bazar ertəsi işə çıxacaq”

RAMM-in sədri Mobil Məmmədov, Daşkənd şəhəri üzrə AMMM-in sədri Firdovsi Hüseynov qarşıda duran məsələlər, həmçinin yanvarın 14-də keçiriləcək konfransın prosedura qaydaları haqqında məlumat veriblər. Bildirilib ki, bu günlərdə Özbəkistanın Səmərqənd, Buxara, Nəvai, Sırdərya və Daşkənd vilayətlərindəki Azərbaycan mədəniyyət mərkəzlərində keçirilən tədbirlərdə də konfransa nümayəndələr seçilir.

Sonra səsvermə yolu ilə yanvarın 14-də keçiriləcək konfransa 23 nümayəndə seçilib.

ONN İnformasiya Agentliyi
Çap Et