Şuşa yaxınlığında yolun bir hissəsinin minalardan təmizlənməsi zamanı partlayıcı qurğu işə düşüb. Nəticədə Rusiya ordusunun zabiti vəfat edib. Ərazilərin Minalardan Təmizlənməsi üzrə Beynəlxalq Mərkəzin minalardan təmizlənməsi qrupunun bir zabiti isə ağır yaralanıb. ONN media  xəbər verir ki, minaya düşərək ölən rus sülhməramlılarının zabiti 29 yaşlı Vitaliy Morozovun fotosunu əldə edib. Bildirilib ki, zabitin azyaşlı oğlu var. Kanal qeyd edib ki, ermənilər minalanmış ərazilərin xəritələrini təqdim etmirlər. Buna görə Rusiya Ermənistanı cəzalandıra bilər.