Bayram süfrələrinin ən ləzzətli şirniyyatı heç şübhəsiz ki? paxlavadır. Romb formalı bu ləzzətli şirniyyatdan heç kəs imtina etməz.
ONN media Novruz süfrələrinizin bəzəyi paxlavanın hazırlanma qaydasını təqdim edir.
240 qr əla növ buğda unu
60 qr ərinmiş yağ
80 qr üzlü süd
1 ədəd yumurta
8 qr maya
200 qr təmizlənmiş badam və ya qoz ləpəsi
200 qr şəkər tozu
0,4 qr zəfəran
0,2 qr vanil
20 qr bal
Hazırlanması:
Un, yağ, süd, yumurta maya qarışdırılıb yumşaq xəmir yoğurulur. Xəmir 0,5 mm qalınlığında yayılır. Tavanın dibinə yağ sürtülür və xəmir qatı sərilib üstünə 3-4 mm qalınlığında iç tökülür. İçliyin üstünə ikinci xəmir qatı salınır, yağ sürtülüb yenidən içlik tökülür və bu qayda 8-10 qata qədər davam etdirilir. Sonra paxlava romb şəklində kəsilir, üst qatına zəfəran şirəsi qatılmış yumurta sarısı çəkilir. Hər paxlavanın ortasına yarım ləpə və yaxud püstə qoyulur. Paxlava 180-200 dərəcədə 35-40 dəqiqə bişirilir. Hazır olmağa 15 dəqiqə qalmış üstünə şərbət və yaxud bal tökülür.