Kafe, restoranlarda ət yeməklərinin yanında verilən bu cür tərəvəzli düyüləri çox görmüsüz. Bəs onu hazırlamağı necə, sınamısızmı?
ONN media bu düyünün reseptini sizlərə təqdim edir.
Ərzaqlar:
Uzun düyü – 100 qr.
Kök – yarım dənə
Pomidor – 1 ədəd
Yaşıl şirin bibər – 1 ədəd
Konservləşdirilmiş qarğıdalı – 50 qr.
Sarımsaq – 1 diş
Cəfəri – ¼ dəstə
Duz – istiot
Zeytun yağı – 2 x.q.
Hazırlanması:
Düyü yaxşıca yuyulur və suda bişirilir.
O bişənə kimi tərəvəzlər – bibər və kök yuyulur, çox xırda şəkildə doğranılır. Zeytun yağında 5 dəqiqə birlikdə pörtlədilir.
Pomidorun qabığı soyulur, xırda kublara bölünür. O da tavaya əlavə edilir, daha 5-7 dəqiqə bişirilir. Sonra tavanı oddan götürürük, tərəvəzlərə duz-istiot vurub, qarışdırırq. Əzilmiş sarımsaq, qarğıdalı da tavaya tökülür. Düyü süzülür, buraya – tavadakı tərəvəzlərin üzərinə əlavə edilir. Xırdalanmış göyərti səpilir, ərzaqlar yaxşıca qarışdırılır.
Budur, restoran menyularında olan əsl tərəvəzli düyü qarniri artıq hazırdır!