Prezident İlham Əliyev Ağdamda yol tikintisinə 2 milyon manat ayırıb

ONN media xəbər verir ki, Prezident İlham Əliyev yanvarın 4-də Ağdam rayonunun beş min nəfər əhalinin yaşadığı 7 yaşayış məntəqəsini birləşdirən Əfətli–Hacıturalı–Həsənxanlı avtomobil yolunun tikintisi məqsədi ilə dövlət büdcəsinin dövlət əsaslı vəsait qoyuluşu xərclərinin bölgüsündə avtomobil yollarının tikintisi və yenidən qurulması üçün nəzərdə tutulmuş vəsaitin 2 milyon manatı Azərbaycan Avtomobil Yolları Dövlət Agentliyinə ayrılması haqqında Sərəncam imzalayıb.