Qərbi Afrika ölkəsi Qana Oksford Universiteti tərəfindən hazırlanmış yeni malyariya peyvəndini təsdiqləyən ilk ölkə oldu.

Qana Qida və Dərman İdarəsi (FDA) tərəfindən verilən açıqlamada bildirilir: “FDA Oksford Universiteti tərəfindən hazırlanmış R21 malyariya peyvəndi ilə bağlı son sınaq məlumatlarını qiymətləndirib. Bu yeni peyvəndi təsdiqləyən ilk ölkə olan Qanada peyvənd 5 aylıqdan 3 yaşa qədər olan uşaqlara vurulacaq.

Ümumdünya Səhiyyə Təşkilatı (ÜST) da bu peyvəndi təsdiq etməyi düşünür. Oksford komandası tərəfindən 400-dən çox uşaq üzərində sınaqdan keçirilən peyvəndin ÜST-ün təsdiq meyarları yerinə yetirilib.

Heç bir yan təsir göstərməyən R21 peyvəndi yüksək doza qəbul edənlərdə 2 il ərzində 80, aşağı dozada isə 70 faiz qorunma təmin edir”.

Burun dolğusunun hansı fəsadları var?

Məlumat üçün bildirək ki, parazit ağcaqanadların dişləməsi ilə ötürülən və orta hesabla 7 günlük inkubasiya dövründən sonra baş verən malyariya qızdırma, titrəmə, tərləmə, baş ağrısı, ürəkbulanma, qusma, əzələ ağrısı, zəiflik kimi qripə bənzər əlamətlərlə özünü göstərir.

Ən ölümcül xəstəliklərdən biri olan və hər 2 dəqiqədən bir uşaq ölümünə səbəb olan malyariya daha çox Afrikada müşahidə edilir. Qitədə hər il orta hesabla 500 min adam malyariya səbəbindən ölür ki, onların yarısı uşaqlardır

ONN İnformasiya Agentliyi
Çap Et