"Azərbaycanda dərman vasitələrindən 2016-ci ildə 732 nəfər, 2017-ci ildə isə 714 nəfər zəhərlənib. Bu da onu deməyə əsas verir ki, ölkədə dərman vasitələrindən zəhərlənmələrinin sayı azalıb".

ONN media APA-ya istinadən verdiyi xəbərə görə, bunu Azərbaycan Tibb Universitetinin (ATU) dosenti, həkim - toksikoloq İsmayıl Əfəndiyev deyib.

Xəstələrin 17 faizini uşaqların təşkil etdiyini vurğulayan İ. Əfəndiyev qeyd edib ki, kəskin zəhərlənməyə ən çox yuxugətirici və qıcolma əleyhinə dərman preparatları səbəb olur.