"Türkiyə Suriyada məzlumların fəryadına necə biganə qalmadısa, Livyada da ölkəni qanuni idarə edənlərin iş birliyi çağrışı cavabsız qalmayacaq. Azərbaycanlı qardaşlarımızın işğal altındakı torpaqlarını qurtarma və vətənlərini müdafiə etmə səylərini də eyni anlayışla dəstəkləyirik.

ONN media xəbər verir ki, bunu Türkiyə Prezidenti Rəcəb Tayyib Ərdoğan Trabzon vilayətindəki Panaqiya monastırı və Ayasofya məscidindəki bərpa işlərinin ikinci mərhələsinin başa çatmasına dair videokonfrans formatında təşkil olunmuş mərasimdə çıxış edərkən deyib.

"Özümüz və dostlarımız üçün nə cür mübarizə lazımdırsa onu verməkdə tərəddüd etməyəcəyik", - deyə Türkiyə lideri bildirib.