Azərbaycan Silahlı Qüvvələrinin əks-hücum əməliyyatları qarşısında darmadağın olaraq geri çəkilən erməni hərbi birləşmələrinin canlı qüvvə itkisi artmaqdadır. ONN media  xəbər verir ki, bu barədə qondarma Dağlıq Qarabağ respublikasının Müdafiə Nazirliyi rəsmi məlumat yayıb. Bildirilib ki, Ordumuzun gecə saatlarında cənub istiqamətindən hücumu nəticəsində ölənlər və yaralananlar var. Qeyd edək ki, Azərbaycan Silahlı Qüvvələri son 3 gün ərzində düşmənin hərbi mövqelərinə ölümcül zərbələr endirib. Müdafiə Nazirliyinin yaydığı döyüş videogörüntülərindən də bəlli olduğu kimi, düşmən 1 gündə mindən çox canlı qüvvə itirir.