Dağlıq Qarabağda son döyüş əməliyyatlarının getdiyi ərazilərdə daha 9 erməni əsgərinin cəsədinin qalıqları tapılıb. ONN media  xəbər verir ki, qalıqlar Füzuli istiqamətində aşkarlanıb. İlkin məlumatlara görə, onların hamısı hərbi qulluqçulardır (könüllülər və ya ehtiyatda olanlar döyüşçülər). Bununla da axtarışların başladığı 13 noyabrdan bəri qalıqları tapılan hərbi qulluqçuların sayı 1354 nəfərə çatıb. Onların şəxsiyyətlərini müəyyənləşdirmək üçün məhkəmə tibbi ekspertizası təyin edilib. Bu gün axtarış işləri Ağoğlan qəsəbəsi ərazisində aparılacaq.