Türkiyə Respublikası Ali Məhkəməsinin Baş prokuroru Bəkir Şahin və Azərbaycan Baş prokuroru Kamran Əliyevin Vətən müharibəsi zamanı Ermənistan silahlı birləşmələrinin Gəncə şəhərini raket atəşinə tutduğu əraziyə gəliblər. Baş prokurorlar ərazini ziyarət edib, burada həlak olanların ruhuna ehtiram əlaməti olaraq dağıntılar olan əraziyə güllər düzüblər. xxx Türkiyə Respublikası Ali Məhkəməsinin Baş prokuroru Bəkir Şahinin başçılıq etdiyi nümayəndə heyətinin Azərbaycan Baş prokuroru Kamran Əliyevlə birlikdə Gəncə şəhərinə səfəri başlayıb. Baş prokurorlar ilk olaraq Gəncənin girişində yerləşən Nizami məqbərəsini ziyarət ediblər. Bəkir Şahin və Kamran Əliyev Nizami məqbərəsini ziyarət etdikdən sonra şəhərin mərkəzi meydanında ucaldılmış ulu öndər Heydər Əliyevin abidəsi önünə əklil qoyublar.