Rusiya Ukraynaya müharibə elan etdikdən sonra İngiltərə "Çelsi”nin sahibi, rusiyalı oliqarx Roman Abramoviçə qarşı sanksiyalar tətbiq edilməyə başlanıb.
 
ONN media xəbər verir ki, ötən gün açıqlanan qərarlarla sanksiyalar bir qədər də genişləndirilib. Belə ki, klubun satışı həyata keçirilənə qədər "Çelsi" futbolçu transfer edə bilməyəcək.

Britaniya hökumətinin sanksiyalarından sonra Premyer Liqatəmsilçisinin sinə sponsoru "Three" klubla müqaviləni dayandırıb. Müqaviləyə əsasən, "Çelsi" bu əməkdaşlıqdan ildə 40 milyon funt sterlinq qazanırdı. 3 illik müqavilənin dəyəri 120 milyon funt-sterlinq idi. 

"Three"nin sözçüsü də bunu təsdiqləyib: "Böyük Britaniya hökuməti sanksiyaları açıqladı. Biz Chelsea ilə müqaviləmizi dayandırırıq. Bu qərar minlərlə Chelsea azarkeşinə təsir edəcək. Mobil şəbəkə şirkəti olaraq biz Ukraynadan qaçqın olaraq İngiltərəyə gələn insanları dəstəkləyirik. Böyük Britaniya və Ukraynadakı insanlar üçün yardım paketləri hazırlamışıq”.