Bolqarıstan Prezidenti Rumen Radev Ukraynaya hərbi-texniki yardımın göndərilməsinə qarşı çıxıb.

Bu barədə BGNES agentliyi məlumat yayıb.

“Bu qərarı verən insanlar öncə Bolqarıstan vətəndaşlarının təhlükəsizliyini düşünməlidirlər. Qərar millitarist hisslər aşılayır və ölkəni müharibəyə sürükləyir”, - deyə Radev millət vəkillərini sərt şəkildə qınayıb.

Qeyd edək ki, daha əvvəl Bolqarıstan parlamenti Ukraynaya hərbi yardımın göstərilməsi və Ukrayna hərbi texnikasının təmiri barədə qərarı təsdiqləyib.