Tacikistan ölkənin şərqində yerləşən Dağlıq Bədəxşan Muxtar Vilayətində antiterror əməliyyatı başladıb.

Bu barədə Tacikistan Daxili İşlər Nazirliyi məlumat yayıb.

Bildirilir ki, mütəşəkkil cinayətkar dəstə üzvləri ictimai-siyasi sabitliyi pozmaq məqsədilə dünən Düşənbə-Kulma avtomobil yolunun Ruşan ərazisindən keçən hissəsini qanunsuz olaraq bağlayıblar.

Açıqlamada beynəlxalq terror təşkilatları tərəfindən yaradılan və maliyyələşdirilən Ruşan bölgəsində mütəşəkkil cinayətkar dəstə üzvlərinin fəaliyyətində terror əlamətlərinin olduğu qeyd edilib.