Rusiya Prezidenti Vladimir Putin faşizm üzərində Putin Qələbənin 77-ci ildönümü münasibətilə Azərbaycan, Ermənistan, Belarus, Qazaxıstan, Qırğızıstan, Moldova, Gürcüstan və Ukrayna xalqını təbrik edib.
Bu barədə Kremlin mətbuat xidməti məlumat yayıb.
“Bu gün saysız-hesabsız qurbanlar və məşəqqətlər bahasına nasizmi darmadağın edən əsgərlərə və arxa cəbhə işçilərinə ehtiramımızı bildiririk. Bu gün ümumi vəzifə müxtəlif ölkələrdən olan insanlara bu qədər əzab-əziyyət gətirən nasizmin dirçəlişinin qarşısını almaqdır. Müharibə illərində baş verənlər, ümumi mənəvi dəyərlər və qardaşlıq dostluğu ənənələri haqqında həqiqətləri qorumaq və nəsillərə çatdırmaq lazımdır”, – Putinin təbrikində bildirilib.