ONN İnformasiya Agentliyi

Səfir: “Qazaxıstanla Azərbaycan strateji tərəfdaşdır”

Səfir: “Qazaxıstanla Azərbaycan strateji tərəfdaşdır”
13 Dekabr 2017 - 23:10

“Qazaxıstanla Azərbaycan arasında müstəqilliyin ilk günlərindən dostluq münasibətləri yaranıb və inkişaf edir”.

ONNmedia-nın məlumatına görə, bunu Qazaxıstanın Azərbaycandakı səfiri Beybit İsabayev ölkəsinin müstəqilliyinin 26 illiyi münasibəti ilə keçirilən qəbulda çıxışı zamanı deyib.Səfir: “Qazaxıstanla Azərbaycan strateji tərəfdaşdır”

O bildirib ki, Azərbaycan və Qazaxıstan bu gün artıq strateji tərəfdaşdır: "İki ölkə arasında münasibətlərin böyük gələcəyi var. Münasibətlərimizin əsasında iki ölkənin bir-birinə qarşılıqlı hörməti dayanır. Ölkələrimiz beynəlxalq və regional təşkilatlarda bir sıra məsələlərlə bağlı ortaq mövqe nümayiş etdirir".

Azərbaycanın energetika naziri Pərviz Şahbazov isə bildirib ki, son 26 ildə Qazaxıstan regionun aparıcı dövlətlərindən birinə çevrilib: "Dostluq və tərəfdaşlıq prinsiplərinə əsaslanan dostluğumuz bir sıra sahələrdə, xüsusilə enerji sahəsində güclü inkişaf edir. Azərbaycanla Qazaxıstan Mərkəzi Asiya və Xəzər hövzəsinin regional güc mərkəzlərinə çevrilib. Azərbaycan üçün həlledici məsələlərdə rəsmi Astana ilə rəsmi Bakı hər zaman eyni mövqe nümayiş etdirib. Ölkələrimiz bütün sahələrdə münasibətlərin inkişafı üçün böyük potensiala malikdir". 

ONN İnformasiya Agentliyi
image_printÇap Et
OXŞAR XƏBƏRLƏR
ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png