ONN İnformasiya Agentliyi

Ermənistanın törətdiyi təxribat XARİCDƏ QINANDI

Ermənistanın törətdiyi təxribat XARİCDƏ QINANDI
13 İyul 2020 - 0:33

İyulun 12-də Ermənistan silahlı qüvvələri Azərbaycan-Ermənistan dövlət sərhədinin Tovuz istiqamətində təxribatı dünyanın müxtəlif ölkələrində yaşayan diaspor təşkilatları tərəfindən şiddətlə qınanılıb.

ONN media xəbər verir ki, xaricdəki diaspor təşkilatlarımız Ermənistan ordusunun təxribatına çevik reaksiya verərək, onu pisləyib və baş verənlərlə bağlı həqiqətləri dünya ictimaiyyətinə çatdırmağa çalışıblar.

Artıq Türkiyə cəmiyyəti və orada fəaliyyət göstərən diaspor təşkilatlarımız Tovuz istiqamətində baş verən təxribat zamanı Azərbaycanı haqlı savaşda dəstəkləyib, şəhidlərimizi rəhmətlə anaraq, yaralılarımıza şəfa diləyiblər.

Türkiyədə fəaliyyət göstərən Azərbaycan – Türkiyə Dostluq, İşbirliyi və Dayanışma təşkilatının rəhbəri Aygün Attar Ermənistanın təxribatını şiddətlə qınayaraq, baş verənlərlə bağlı beynəlxalq aləmin, xüsusən də ATƏT-in Minsk Qrupunun təcili reaksiya verməsini tələb edib.

Azərbaycan-Türk Gənclər Təşkilatı da baş verən olayla bağlı qəbul etdiyi bəyanatda Azərbaycan tərəfinin üç şəhid verdiyini və beş yaralı olduğunu qeyd edib. Təşkilat bildirib ki, bu təxribat Ermənistanın işğalçılıq siyasətinin güc tətbiq etməklə davamlı olaraq həyata keçirdiyi növbəti göstərisidir:

“Belə bir addımı atmaqla Ermənistan işğalçı qüvvələrini Azərbaycanın beynəlxalq səviyyədə tanınmış ərazilərindən çıxarmaq əvəzinə, yeni mövqelər ələ keçirmək, gərginliyi artırmaq məqsədini açıq şəkildə nümayiş etdirir. Birmənalı şəkildə bildiririk ki, vəziyyətin gərginliyinə xidmət edən belə təhrikedici əməllərə görə bütün məsuliyyət Ermənistanın üzərinə düşür”.

Polşada fəaliyyət göstərən “Azərbaycanlılar evi” təşkilatı da Ermənistanın bu hərəkətini qınayaraq, bölgədə gərginlik yaratmaqda ittiham edib. Xaricdə yaşayan soydaşlarımız da fərdi formada sosial şəbəkələr vasitəsilə Azərbaycanın yanında olduqlarını bildirib və Ermənistanın bu işğalçı hərəkətini pisləyən mövqe sərgiləyiblər.

ONN İnformasiya Agentliyi
image_printÇap Et
OXŞAR XƏBƏRLƏR
XƏBƏR LENTİ
ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png