Qida məhsulunu seçərkən diqqət yetirilməsi lazım olan əsas məsələlərdən biri məhsulun üzərində qeyd edilən yazıdır.
ONN media Olaylar-a istinadla xəbər verir ki, Qida Təhlükəsizliyi Agentliyindən bildirilib ki, üzərində iri hərflərlə "100% təbii", "dietik" , "+vitaminlər", "yüksək keyfiyyət" yazılmış cəlbedici paketlərə deyil, məhsulun tərkibi haqqında informasiya verən mətnə diqqət yetirmək lazımdır: "Qeyd edilən mətndə məhsulun enerji dəyəri, istehsal və son istifadə tarixi, çəkisi, saxlanma temperaturu və şəraiti, istehsalçı müəssisənin adı, ünvanı və s. bu kimi vacib məlumatlar öz əksini tapmalıdır. Məlumatların əcnəbi dillərlə yanaşı Azərbaycan dilində də olması vacib şərtdir".