ONN İnformasiya Agentliyi

Rayonlara sərnişindaşıma həyata keçirilir?

Rayonlara sərnişindaşıma həyata keçirilir?
10 Yanvar 2023 - 16:15

Azərbaycanda hazırda bütün istiqamətlər üzrə sərnişindaşıma həyata keçirilir.

ONN media xəbər verir ki, bu barədə Azərbaycan Yerüstü Nəqliyyat Agentliyindən (AYNA) bildirilib.

Məlumata görə, Azərbaycan Yerüstü Nəqliyyat Agentliyi (AYNA) tərəfindən qarlı hava şəraiti ilə əlaqədar şəhərlərarsı və rayonlararası marşrutlar istiqamətində monitorinq aparılıb:

“Hazırda bütün istiqamətlər üzrə sərnişindaşıma həyata keçirilir. Regional mərkəzlərə avtonəqliyyat vasitələrinin, eləcə də sərnişinlərin təhlükəsiz hərəkətlərinin təmin olunması barədə tapşırıq verib. Marşrut xətlərində istismar olunan avtobusların qış mövsümünə hazır vəziyyətə gətirilməsi, bunun üçün lazımi tədbirlərin görülməsi ilə bağlı daşıyıcılara əvvəlcədən xəbərdarlıq edilib. Rayonlararası və şəhərlərarası müntəzəm marşrut xətləri üzrə avtobusların normal və fasiləsiz fəaliyyətini təmin etmək məqsədilə daşıyıcılar təlimatlandırılıb”.

Qeyd edək ki, dünən Bakıdan Qəbələ, İsmayıllı, Oğuz, Quba, Qusar, Xaçmaz, Gədəbəy istiqamətinə olan avtobus reysləri hava şəraiti ilə bağlı təxirə salınmışdı.

ONN İnformasiya Agentliyi
image_printÇap Et
OXŞAR XƏBƏRLƏR
ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png