Canlı yayımda koronavirus barədə hazırlanan süjet zamanı qeyri-etik ifadə işlədən aparıcı işini itirmək təhlükəsi ilə üzləşib. ONN media xəbər verir ki, hadisə “Channel 9” telekanalının canlı yayımında qeydə alınıb. Avstraliyalı aparıcı Lana Merfi ifadəni tələffüz edən zaman çətinlik çəkir və ardınca xoşagəlməz kəlmə işlədir. “Twitter”də hadisəyə münasibət bildirən L. Merfi tamaşaçılardan üzr istəyib və ona işinə davam etmək üçün fürsət yaradan televiziya rəhbərliyinə təşəkkürünü bildirib.